વિકાસના રાહબર – સાપ્તાહિક વેબિનાર-સિરીઝ | ભાગ ૧૦

પર્યાવરણ, સમાજ અને ટકાઉ વિકાસ સાથે જોડાયેલા અનુભવો, વિચારો અને કાર્યને સમજવા માટે ‘વિકાસના રાહબર’ એક સાપ્તાહિક સંવાદ મંચ છે. આ શ્રેણી દ્વારા વિકાસ ક્ષેત્રે કાર્યરત અનુભવી વ્યક્તિઓ, સમુદાય સાથે જોડાયેલા કાર્યકરો અને વિવિધ ક્ષેત્રોના પરિવર્તનકર્તાઓ સાથે વિચારવિમર્શ કરવામાં આવે છે.

વેબિનારની આ કડીમાં ‘ટ્રી વોક્સ’ સામૂહિક જૂથ અને તેના પર્યાવરણ, સમાજ અને જનસહભાગિતા સાથે જોડાયેલા કાર્ય પર વિશેષ સંવાદ યોજાશે. ‘ટ્રી વોક્સ’ પ્રકૃતિ અને વૃક્ષો સાથે લોકોના સંબંધને વધુ ગાઢ બનાવવાના પ્રયત્નો સાથે પર્યાવરણીય જાગૃતિ, નિરીક્ષણ અને સમજણને પ્રોત્સાહન આપે છે.

આ સંવાદ દ્વારા વૃક્ષો અને પ્રકૃતિને સમજવાની જરૂરિયાત, પર્યાવરણ પ્રત્યેની જવાબદારી તથા વ્યક્તિઓ અને સમુદાયોની સક્રિય ભાગીદારીના મહત્વ પર ચર્ચા કરવામાં આવશે.

આ વેબિનાર વિકાસ ક્ષેત્રે કાર્યરત વ્યક્તિઓ, સંસ્થાઓ, સંશોધકો, વિદ્યાર્થીઓ, પર્યાવરણપ્રેમીઓ અને પ્રકૃતિ તથા સામાજિક પરિવર્તનમાં રસ ધરાવતા સૌ માટે ઉપયોગી સંવાદનું માધ્યમ બનશે.