વિકાસના રાહદાર – વેબિનાર શ્રેણી | ભાગ ૧

વેબિનાર શ્રેણી વિશે

‘વિકાસના રાહદાર’ વેબિનાર શ્રેણી એ ઇન્હાફ (INHAF) અને અમદાવાદ સ્ટડી એક્શન ગ્રુપ (ASAG) દ્વારા સંયુક્ત રીતે આયોજિત એક જ્ઞાન-વિનિમય પહેલ છે. આ શ્રેણીનો હેતુ ગુજરાત અને દેશભરના સામાજિક વિકાસ ક્ષેત્રમાં કાર્યરત સંસ્થાઓ, કાર્યકરો, સમુદાય નેતાઓ અને વિષય નિષ્ણાતોના અનુભવો, નવીન પ્રયાસો અને શીખને વ્યાપક સમાજ સુધી પહોંચાડવાનો છે.

ઉદ્ઘાટન કાર્યક્રમથી શરૂ થતી આ વેબિનાર શ્રેણીમાં સામાજિક વિકાસ, શિક્ષણ, આરોગ્ય, મહિલા સશક્તિકરણ, પર્યાવરણ, પાણી, જીવનનિર્વાહ, માનવ અધિકાર, સ્થાનિક શાસન અને સમુદાય આધારિત વિકાસ જેવા વિવિધ વિષયો પર નિયમિત વેબિનાર યોજાશે. આ પહેલનો ઉદ્દેશ પરસ્પર સંવાદ, સહભાગિતા અને જ્ઞાનના આદાન-પ્રદાન દ્વારા વધુ સમાનતાપૂર્ણ, સશક્ત અને ટકાઉ વિકાસ માટે એક મજબૂત નેટવર્ક ઉભું કરવાનો છે.